موسم 2013-14، مورينهو بيسيب ريال مدريد ورمى وراه كل الخلافات والقرف والمشاكل وجه تشيلسي، تشيلسي اللي هوا بيته الأول، تشيلسي اللي هوا عمره ما هيحصل مشاكل فيه، شخصياً أنا قلت إن مورينهو هيقعد مع تشيلسي 10 سنين بالمستريح، مفيش أي حاجة تمنعه من دا، جماهير بتحبه ولاعبين كانوا أبطال أوروبا من سنة + إنه ممكن يتعاقد مع أي حد هوا عايزه، وصل مورينهو بعد لقاء صحفي حافل، أهدافه كانت محددة، شورله جينكل شوارزار ويليان دي بروين دول كانوا أبرز الأسماء اللي مورينهو طلبها، قلنا مورينهو هيعيد إكتشاف بعض اللاعبين زي توريس وهيعرف يحسن ناس كانوا شايلين تشيلسي على كتفهم زي ماتا ولويز ولامبارد.
بدأ تشيلسي الموسم وبدأ معاه الحلم إننا نحقق لقب الدوري اللي غاب عننا 4 سنين، موسم كان قوي بس غريب، تشيلسي ركن دي بروين وهمش ماتا تماماً بدون أي مبرر، قلنا مفيش مشاكل يمكن طرق لعبهم مش بتناسب مستر مورينهو، إعتمد على أوسكار في صنع الألعاب، فزنا تقريباً في كل مباريات التوب فور لكن فجأة ظهرت مشاكل، معندناش إرتكاز ! طيب نستنى الشتا نجيب ماتيتش، جبنا ماتيتش بس لقينا مشكلة إننا معندناش حد جنب ماتيتش، رقعنا بديفيد لويز جنبه، باك شمال ؟ أشلي كول اللي بقاله سنين شايل الفرقة فجأة ركن وأبي مسك مكانه، قلنا يمكن عشان السن بس أزبليكويتا باك يمين، أزبي أدى أداء قوي دفاعياً لكن هجومياً كان صفر، قلنا مش مهم هازارد قايم بالواجب، تشيلسي مكنش عنده مهاجمين، كنا بنلعب بتوريس اللي مورينهو معرفش يعمل معاه حاجة وإيتو اللي السن عفا عليه وبا اللي كان مهمش مش بيلعب إلا كل فين وفين، تشيلسي ساعتها كان فرط في لوكاكو ووداه إعارة لإيفرتون وكان متألق هناك، المهم ما علينا مورينهو كان خايف يحط الفريق تحت الضغوط لذا إستبعد الفريق من المنافسة على أي بطولة في مؤتمراته ودا إنعكس على اللاعبين اللي خسرت بمعلمية من الأتلتيكو 3-1 في سيمي فاينل الأبطال وخسرت الدوري في آخر جولتين بخسارة هايفة من سندرلاند اللي كان بينافس على الهبوط، اللعيبة مهتمتش أوي عشان هيا كانت معلهاش ضغط ومحصلش من المالك أي ضغوط على مورينهو لأن جوزيه موعدش بحاجة أصلاً.
خلص الموسم صفري مع إننا كنا قريبين من تحقيق بطولة واحدة على الأقل لكن واضح إن مورينهو كان تفكيره في الموسم اللي بعديه، صفقات من بدري قبل كاس العالم، كوستا وسيسك وعودة كورتوا ولويس وخلاص الفريق كدة بقى جاهز إنه يحقق الثلاثية، بدأ الموسم وتشيلسي فعلاً كان فتاك وبيقدم أحلى كورة في إنجلترا، وصلنا لنص الموسم وتشيسي كان ممتاز وحقق لقب الكابيتال وكل حاجة 10/10 ومورينهو كان في الطريق الصحيح، صفقة كوادرادو في الشتاء كانت تعزيزة أيضاً بسبب رحيل صلاح لفيرونتينا وكله في السليم، بدأت المشاكل لما الرتم بتاع اللعيبة إنخفض، مفيش مدوارة عند مورينهو، اللعيبة بدأت تفقد تركيزها، بدأت بهفوات ملهاش أي لازمة إتعادلنا مع سندرلاند وخسرنا من نيوكاسل وماتش الفضيحة بتاع توتنهام والخمسة، كل دا عدى على مورينهو والإدارة مرور الكرام لأننا كنا "متصدرين".
المشكلة الحقيقة بدأت تبان في ماتش الإياب بتاع باريس في دورال 16 من التشامبيونز، بعيداً عن العقم الهجومي والأداء اللي زي الزفت هتكلم عن لقطة مسك كاهيل وتيري لبعضهم في منطقة جزاء تشيلسي مما أدت لهدف خرج تشيلسي من البطولة، من هنا لازم كانت الإدارة ومورينهو يعرفوا إن المشكلة محتاجة إنها تتعالج بأقصى سرعة في الصيف ونبدأ نحدد أهدافنا بدري، طبعاً دا محاصلش وفضل أداء تشيلسي في إنحدار لحد ما وصلنا لآخر٧ ٨ جولات في البرميرليج اللي إحنا المفروض نحسم فيه لقب الدوري، المفروض الفريق اللي متصدر من أول جولة يقدم كورة عظيمة وممتعة اللي إحنا طبعاً عشان نكسب الدوري بشياكة لكن دا محصلش، كسبنا كيو بي ار في آخر دقيقة بأداء زي الزفت قلنا مش مشكلة الأداء المهم النتيجة، رحنا لاعبنا أرسنال في ملعبهم وكنا ممكن نكسبهم بسهولة لو كنا لعبنا بمهاجم مش بـ False9 لكن دا محصلش وطلعنا 0-0، كسبنا 1-0 اليونايتد قلنا الحمدلله كدة ضمنا اللقب مع إن الغباء في المباراة دي كان ن فان خال اللي لعب بـ فيلاني رأس حربة، المهم جه ماتش كريستال وكسبناه وأخدنا اللقب الحمدلله، بعدها خسرنا 3 من ويست بروم !!! وإتعادلنا مع الليفر اللي خسر من ستوك 6 وكنا بنقدم أداء زي الزفت ومورينهو كان بيقول إن اللعيبة فقدت الملح "الحافز" اللي بيخيلهم يكسبوا عشان حققوا البطولة ومش عارف إيه وهدى الناس وفرحنا وهيصنا وخلص الموسم، تشيلسي ساعتها كان بيداري على الجرح ولقب الدوري خبى المشكلة.
الموسم دا بدأ وتشيلسي بقى البطل، كل اللي فات حمادة واللي جاي حمادة تاني خلاص، 5 نقاط جايين هتلخص الأخطاء اللي إرتكبها مورينهو ..
١- مورينهو خلص الموسم وهو بنسبة كبيرة عارف المشاكل اللي في الفريق ومع ذلك محطش أهداف عشان الإدارة تتعاقد معاها وإكتفى إنه يعتمد على الإدارة في التعاقدات ولما جه إكتشف إن الإدارة مشترتش حد فقام عامل صفقة ملهاش أي لازمة وهي فالكاو وهو قدامه كذا مهاجم، طيب إنتا عارف إن تشيلسي عانى هجومياً بعد إصابة كوستا "اللي غاب شهرين عشان كان المفروض بيعمل عملية ومعملهاش ورجع لعب ماتش وإتصاب تاني" ورحيل دروجبا وإنتا المفروض بتنافس على الثلاثية وعايز تحافظ على لقبك تشتري فالكاو ؟؟ ما علينا
٢- طبعاً بعيداً عن التحضيرات اللي كانت زي الزفت وإنها أرهقت اللاعبين عشان المسافة إنتا بدأت الموسم بماتش أرسنال وخسرته وأصبح واضح للناس إن شراكة كاهيل وتيري بدأت تضعف، جيب قلب دفاع محترم، طبعاً دا محصلش والإدارة إشترت دجيلوبودجي اللي مشمهاش ولا مرة من ساعة ما جه، اه عارف إننا كنا هنجيب ستونز لكن عشان ٢ او ٣ مليون فركشنا، مورينهو ساعتها فضل مكتوف الأيدي ولا ضغط بأي تصريح على الإدارة وقال أنا هسيب النتايج تحكم.
٣- طبعاً الدوري إبتدى زي الزفت وإتعادلنا مع سوانزي وقلنا فرقة محترمة "طبعاً كل الفرق اللي بنلاعبها بتكون محترمة" لكن إنتا صبيت كل غضبك على إيفا، مش بدافع عنها لكن كنت ممكن تنفعل عليها في أي حتة تانية غير قدام العالم كله. ما علينا
٤- طبعاً كورتوا إطرد وبيجوفيتش شارك ماتش السيتي ورحمنا من نتيجة تاريخية وخسرنا 3-0 بس عشان حضرتك كنت بتلعب بـ دفاع متقدم وأجويرو كان كل شوية ينفرد بالحارس، كنت أكيد مبسوط ساعتها إن الإدارة شافت إن وجهة نظرك صح وإنها لازم تخش الميركاتو تشتري أي حد، دخلنا بصينا معرفناش نجيب مين لقينا اليونايتد بيخلص في بيدرو رحنا إشترناه قبلهم مع إننا فنياً مش محتاجينه أوي بس أهو أي ردة فعل وخلاص ومننساش الظهير بابا اللي إحنا جبناه عشان يتأقلم حضرته على البرميرليج.
٥- خسارة ورا التانية ونكسة ورا التانية ومفكرتش إنك تغير مثلاً من طريقة لعبك أو أسوبك وتلعب مثلاً يعني مثلاً بسيسك في مركز ١٠ مش محور أو تلعب ب٢ مهاجمين بدال كوستا اللي كان واضح إنه مش في مستواه، كل اللي عملته إنك إنتقدت اللعيبة في العلن وبعدها مدحتهم إنهم تحسنوا فعلاً.
نتيجة الكلام دا إيه ؟ تشيلسي في المركز الـ١٦ :) طيب وبعدين ؟ اللعيبة بقت عليها ضغوطات مش طبيعية وعايشة في قوقعة المؤمرات من الإتحاد الإنجليزي والحكام والفريق بقى العالم كله بيستنى ماتشنا عشان نشوف هنتحسن ولا زي كل مرة وكل مرة بتبقى زي اللي قبلها بالظبط، الجماهير دعمتك وقالت عازينك لكنك كنت برضو مصر على أسماء معينة زي سيسك وإيفانوفيتش وإنتا كان عندك كامل الحرية إنك تقعدهم وتلعب بالشباب، لكنا دا محصلش، كنا قاعدين بنتفرج على أوسكار على الدكة، أوسكار اللي إنتا بعت ماتا اللي شايل اليونايتد عشانه وبعت دي بروين اللي بيقدم مستوى كبير مع السيتي عشانه وكنا بنتفرج على قصات شعر فالكاو اللي انتا إخترته.
معلش يا مورينهو إنتا غلط كتير الفترة دي، الفريق فعلاً كان في قفص وكل ما بيحاول يخرج منه يرجع تاني، اللعيبة كانت سيئة ؟ مفيش فرقة الـ30 لاعيب فجأة يبقوا كلهم زي الزفت ! الإدارة ملبتش مطالبك ؟ إنتا اللي غلطان عشان سكت وكملت معاها ومقلتش ضدها أي تصريح تضغط بيه عليها زي ما عملت مع اللعيبة كدة.
طبعاً كل الكلام دا مش تقليل من مورينهو أو إمكانياته لأن مورينهو بشر ومعرض إنه يخطأ، مورينهو كان لازم يمشي فعلاً ويترك وراه جمهور محتار مش عارف الصح فين .. ويترك وراه فرقة مشققة من جوا بتدور مين المسرب Number 2 ومستوى فريق هش جداً وصل للمركز الـ١٦ من الدوري.
هيدينك تولى المهمة دلوقتي وأنا واثق إنه هيقدر يحسن الأمور، لينا كلام بعدين عن هيدينك عشان أنا طولت عليكم ولو إني مقلتش كل اللي جوايا عن مورينهو "أعظم مدرب في تاريخ تشيلسي".
شكراً لكل ما قدمته مع تشيلسي وبالتوفيق لك بعيداً عنا وإنهاردة بعد أول ماتش وأول مكسب ضد سندرلاند نقدر نقول بصوت عالي ... أخيراً خرجنا من قفص مورينهو :)
بدأ تشيلسي الموسم وبدأ معاه الحلم إننا نحقق لقب الدوري اللي غاب عننا 4 سنين، موسم كان قوي بس غريب، تشيلسي ركن دي بروين وهمش ماتا تماماً بدون أي مبرر، قلنا مفيش مشاكل يمكن طرق لعبهم مش بتناسب مستر مورينهو، إعتمد على أوسكار في صنع الألعاب، فزنا تقريباً في كل مباريات التوب فور لكن فجأة ظهرت مشاكل، معندناش إرتكاز ! طيب نستنى الشتا نجيب ماتيتش، جبنا ماتيتش بس لقينا مشكلة إننا معندناش حد جنب ماتيتش، رقعنا بديفيد لويز جنبه، باك شمال ؟ أشلي كول اللي بقاله سنين شايل الفرقة فجأة ركن وأبي مسك مكانه، قلنا يمكن عشان السن بس أزبليكويتا باك يمين، أزبي أدى أداء قوي دفاعياً لكن هجومياً كان صفر، قلنا مش مهم هازارد قايم بالواجب، تشيلسي مكنش عنده مهاجمين، كنا بنلعب بتوريس اللي مورينهو معرفش يعمل معاه حاجة وإيتو اللي السن عفا عليه وبا اللي كان مهمش مش بيلعب إلا كل فين وفين، تشيلسي ساعتها كان فرط في لوكاكو ووداه إعارة لإيفرتون وكان متألق هناك، المهم ما علينا مورينهو كان خايف يحط الفريق تحت الضغوط لذا إستبعد الفريق من المنافسة على أي بطولة في مؤتمراته ودا إنعكس على اللاعبين اللي خسرت بمعلمية من الأتلتيكو 3-1 في سيمي فاينل الأبطال وخسرت الدوري في آخر جولتين بخسارة هايفة من سندرلاند اللي كان بينافس على الهبوط، اللعيبة مهتمتش أوي عشان هيا كانت معلهاش ضغط ومحصلش من المالك أي ضغوط على مورينهو لأن جوزيه موعدش بحاجة أصلاً.
خلص الموسم صفري مع إننا كنا قريبين من تحقيق بطولة واحدة على الأقل لكن واضح إن مورينهو كان تفكيره في الموسم اللي بعديه، صفقات من بدري قبل كاس العالم، كوستا وسيسك وعودة كورتوا ولويس وخلاص الفريق كدة بقى جاهز إنه يحقق الثلاثية، بدأ الموسم وتشيلسي فعلاً كان فتاك وبيقدم أحلى كورة في إنجلترا، وصلنا لنص الموسم وتشيسي كان ممتاز وحقق لقب الكابيتال وكل حاجة 10/10 ومورينهو كان في الطريق الصحيح، صفقة كوادرادو في الشتاء كانت تعزيزة أيضاً بسبب رحيل صلاح لفيرونتينا وكله في السليم، بدأت المشاكل لما الرتم بتاع اللعيبة إنخفض، مفيش مدوارة عند مورينهو، اللعيبة بدأت تفقد تركيزها، بدأت بهفوات ملهاش أي لازمة إتعادلنا مع سندرلاند وخسرنا من نيوكاسل وماتش الفضيحة بتاع توتنهام والخمسة، كل دا عدى على مورينهو والإدارة مرور الكرام لأننا كنا "متصدرين".
المشكلة الحقيقة بدأت تبان في ماتش الإياب بتاع باريس في دورال 16 من التشامبيونز، بعيداً عن العقم الهجومي والأداء اللي زي الزفت هتكلم عن لقطة مسك كاهيل وتيري لبعضهم في منطقة جزاء تشيلسي مما أدت لهدف خرج تشيلسي من البطولة، من هنا لازم كانت الإدارة ومورينهو يعرفوا إن المشكلة محتاجة إنها تتعالج بأقصى سرعة في الصيف ونبدأ نحدد أهدافنا بدري، طبعاً دا محاصلش وفضل أداء تشيلسي في إنحدار لحد ما وصلنا لآخر٧ ٨ جولات في البرميرليج اللي إحنا المفروض نحسم فيه لقب الدوري، المفروض الفريق اللي متصدر من أول جولة يقدم كورة عظيمة وممتعة اللي إحنا طبعاً عشان نكسب الدوري بشياكة لكن دا محصلش، كسبنا كيو بي ار في آخر دقيقة بأداء زي الزفت قلنا مش مشكلة الأداء المهم النتيجة، رحنا لاعبنا أرسنال في ملعبهم وكنا ممكن نكسبهم بسهولة لو كنا لعبنا بمهاجم مش بـ False9 لكن دا محصلش وطلعنا 0-0، كسبنا 1-0 اليونايتد قلنا الحمدلله كدة ضمنا اللقب مع إن الغباء في المباراة دي كان ن فان خال اللي لعب بـ فيلاني رأس حربة، المهم جه ماتش كريستال وكسبناه وأخدنا اللقب الحمدلله، بعدها خسرنا 3 من ويست بروم !!! وإتعادلنا مع الليفر اللي خسر من ستوك 6 وكنا بنقدم أداء زي الزفت ومورينهو كان بيقول إن اللعيبة فقدت الملح "الحافز" اللي بيخيلهم يكسبوا عشان حققوا البطولة ومش عارف إيه وهدى الناس وفرحنا وهيصنا وخلص الموسم، تشيلسي ساعتها كان بيداري على الجرح ولقب الدوري خبى المشكلة.
الموسم دا بدأ وتشيلسي بقى البطل، كل اللي فات حمادة واللي جاي حمادة تاني خلاص، 5 نقاط جايين هتلخص الأخطاء اللي إرتكبها مورينهو ..
١- مورينهو خلص الموسم وهو بنسبة كبيرة عارف المشاكل اللي في الفريق ومع ذلك محطش أهداف عشان الإدارة تتعاقد معاها وإكتفى إنه يعتمد على الإدارة في التعاقدات ولما جه إكتشف إن الإدارة مشترتش حد فقام عامل صفقة ملهاش أي لازمة وهي فالكاو وهو قدامه كذا مهاجم، طيب إنتا عارف إن تشيلسي عانى هجومياً بعد إصابة كوستا "اللي غاب شهرين عشان كان المفروض بيعمل عملية ومعملهاش ورجع لعب ماتش وإتصاب تاني" ورحيل دروجبا وإنتا المفروض بتنافس على الثلاثية وعايز تحافظ على لقبك تشتري فالكاو ؟؟ ما علينا
٢- طبعاً بعيداً عن التحضيرات اللي كانت زي الزفت وإنها أرهقت اللاعبين عشان المسافة إنتا بدأت الموسم بماتش أرسنال وخسرته وأصبح واضح للناس إن شراكة كاهيل وتيري بدأت تضعف، جيب قلب دفاع محترم، طبعاً دا محصلش والإدارة إشترت دجيلوبودجي اللي مشمهاش ولا مرة من ساعة ما جه، اه عارف إننا كنا هنجيب ستونز لكن عشان ٢ او ٣ مليون فركشنا، مورينهو ساعتها فضل مكتوف الأيدي ولا ضغط بأي تصريح على الإدارة وقال أنا هسيب النتايج تحكم.
٣- طبعاً الدوري إبتدى زي الزفت وإتعادلنا مع سوانزي وقلنا فرقة محترمة "طبعاً كل الفرق اللي بنلاعبها بتكون محترمة" لكن إنتا صبيت كل غضبك على إيفا، مش بدافع عنها لكن كنت ممكن تنفعل عليها في أي حتة تانية غير قدام العالم كله. ما علينا
٤- طبعاً كورتوا إطرد وبيجوفيتش شارك ماتش السيتي ورحمنا من نتيجة تاريخية وخسرنا 3-0 بس عشان حضرتك كنت بتلعب بـ دفاع متقدم وأجويرو كان كل شوية ينفرد بالحارس، كنت أكيد مبسوط ساعتها إن الإدارة شافت إن وجهة نظرك صح وإنها لازم تخش الميركاتو تشتري أي حد، دخلنا بصينا معرفناش نجيب مين لقينا اليونايتد بيخلص في بيدرو رحنا إشترناه قبلهم مع إننا فنياً مش محتاجينه أوي بس أهو أي ردة فعل وخلاص ومننساش الظهير بابا اللي إحنا جبناه عشان يتأقلم حضرته على البرميرليج.
٥- خسارة ورا التانية ونكسة ورا التانية ومفكرتش إنك تغير مثلاً من طريقة لعبك أو أسوبك وتلعب مثلاً يعني مثلاً بسيسك في مركز ١٠ مش محور أو تلعب ب٢ مهاجمين بدال كوستا اللي كان واضح إنه مش في مستواه، كل اللي عملته إنك إنتقدت اللعيبة في العلن وبعدها مدحتهم إنهم تحسنوا فعلاً.
نتيجة الكلام دا إيه ؟ تشيلسي في المركز الـ١٦ :) طيب وبعدين ؟ اللعيبة بقت عليها ضغوطات مش طبيعية وعايشة في قوقعة المؤمرات من الإتحاد الإنجليزي والحكام والفريق بقى العالم كله بيستنى ماتشنا عشان نشوف هنتحسن ولا زي كل مرة وكل مرة بتبقى زي اللي قبلها بالظبط، الجماهير دعمتك وقالت عازينك لكنك كنت برضو مصر على أسماء معينة زي سيسك وإيفانوفيتش وإنتا كان عندك كامل الحرية إنك تقعدهم وتلعب بالشباب، لكنا دا محصلش، كنا قاعدين بنتفرج على أوسكار على الدكة، أوسكار اللي إنتا بعت ماتا اللي شايل اليونايتد عشانه وبعت دي بروين اللي بيقدم مستوى كبير مع السيتي عشانه وكنا بنتفرج على قصات شعر فالكاو اللي انتا إخترته.
معلش يا مورينهو إنتا غلط كتير الفترة دي، الفريق فعلاً كان في قفص وكل ما بيحاول يخرج منه يرجع تاني، اللعيبة كانت سيئة ؟ مفيش فرقة الـ30 لاعيب فجأة يبقوا كلهم زي الزفت ! الإدارة ملبتش مطالبك ؟ إنتا اللي غلطان عشان سكت وكملت معاها ومقلتش ضدها أي تصريح تضغط بيه عليها زي ما عملت مع اللعيبة كدة.
طبعاً كل الكلام دا مش تقليل من مورينهو أو إمكانياته لأن مورينهو بشر ومعرض إنه يخطأ، مورينهو كان لازم يمشي فعلاً ويترك وراه جمهور محتار مش عارف الصح فين .. ويترك وراه فرقة مشققة من جوا بتدور مين المسرب Number 2 ومستوى فريق هش جداً وصل للمركز الـ١٦ من الدوري.
هيدينك تولى المهمة دلوقتي وأنا واثق إنه هيقدر يحسن الأمور، لينا كلام بعدين عن هيدينك عشان أنا طولت عليكم ولو إني مقلتش كل اللي جوايا عن مورينهو "أعظم مدرب في تاريخ تشيلسي".
شكراً لكل ما قدمته مع تشيلسي وبالتوفيق لك بعيداً عنا وإنهاردة بعد أول ماتش وأول مكسب ضد سندرلاند نقدر نقول بصوت عالي ... أخيراً خرجنا من قفص مورينهو :)
Comments
Post a Comment